استقلالنا

للشاعر (رامز عيد)ا

ستقلالنا

عشنا الشرف و المجد يا نيالنا

رفعنا العلم بالعز فوق جبالنا

وبعيد استقلال لبنان المجيد

بالعز مابينطال غنينا النشيد

حملنا الارز عنوان استقلالنا

..

عشنا بماضي العز عبرة للامم

نحنا العطينا الحرف فخر من القلم

رفعنا العلم و المكرمه لأعلا القمم

!شو صار ؟كيف؟ وليش قصر مجالنا

..

لو ترجع الايام للعهد المضي

يوم اللي وقف الحق عالعادي قضي

دمو فدي للارض بالغادي مضي

تروي تراب الارز عزم رجالنا

..

بعتو الوفا بالدَين والحلم انكسر

بعتو الشرف قرشين ياغدر البشر

عشتو الحسد والكفر بالعيله انتشر

دق الخطر و الجوع هان عيالنا 

..

شو صار كيف وليش هيك فعالنا!

..

خلوا الشرف ينصان يرجع للوفا

ارض المجد عنوان بالعلم احتفا

عيشوا حلم انسان طامع بالدفا

يعلى الحما بنيان فوق جبالنا

خير الامم لبنان الله قالنا