(أغنية) (حبك يا قمرية).بقلم الشاعر/محمد الشاذلى
(أغنية) (حبك يا قمرية). ٢نوفمبر٢٠١٦
ف القلب كان حبك
ومازال يا قمرية
ساعة الهنا ف دربك
وانا ماشى فجرية
واشم ريحة نسيمك
يمرى كده فيا
الاقى روحى بتسبح
فى بحر حنيه
واما ف ليلى باجيلك
القاكى ملالية
مليا الوجود بهجة
تسعد بها عنيه
والاقى وشك بيضوى
قمر على الميه
وساعتها بدعى واقول
وافضل أقول على طول
يا رب قلبى ينول
تبقى ديمه عفية
ف القلب كان حبك
ومازال يا قمرية
بقلم الشاعر/محمد الشاذلى
تعليقات
إرسال تعليق