كلنا بندور
بقلم
منال السيوفى
كلنا بندور ع الانسان
كلنا بندور ع الامان
وإن كان
بيكون الظلم جواه إدمان
ويقول انا كلى حنين وحنان
عارفين ده مكتوب ع الجبين
عنوان
ونشوف
عيل ف اللفه بيتكلم مش بيقول واء
نفسه ف حب وسلام وعطاء
يكبر جواه وهمه المشتاق
يندبح من واقع مر وحراق
كان نفسه يبقى مهندس
طلع ف الاخر سواق
اصل الجهل بقى داء
ونشوف
ناس شغاله وشقيانه
من كتر الشغل هلكانه تعبانه
وما فيه حد يقدرها ويحضر
كلمه شكر تمسح دمعه ف عيونها
النعسانه
تلقيها بيجيلها احباط
راح الامل وبقت تنشاط
والقسوه عليها سجانه
ونشوف
ناس تعبانه من التخمه
تنهب فى فلوس
من عدها تضرب لخمه
ونشوف
صاحب سلطه متحكم
يكتم كلمه كل الى يتظلم
ويقول
انا بالدين عارف وململم
راجل حكيم ومتعلم
وهو
عايش على دم غلابه
لئيم وذى الديابه
يدوس عليهم كما الدبابه
ومصاحب كل فاسد وشطان
وبنشوف
إيدين قذره بتنباس
وناس على رقبتها بتنداس
من خلق ما عندها احساس
عايشين فى عالم كله جنان
ونقول كمان
كلنا بندور ع الانسان
كلنا بندور ع الامان
مانلاقى غير انسان
فى توب حيوان
تعليقات
إرسال تعليق