أوبريت {صباح الخير يا مصر الحب} للدكتور/خالد عبدالحميد خربوش
أوبريت {صباح الخير يا مصر الحب}
للدكتور/خالد عبدالحميد خربوش
••••••••••••••••••••••••••••••••••••••••••
صباح الخير يا مصر الحب
صباح الخير يا عقل وقلب
صباح الخير يا هِبَة الرب
ياحنيِّة أمومه وطب
وفي حزم وضمير الأب
يامصر الحب يابلدي
…………………………………………
صباح الخير في كل صباح
يانبع الحكمه والإصلاح
يا ست الكون . منين م بأكون
مع حروفك باعيش مرتاح
يامصر الحب يابلدي
……………………………………………
صباح غالي ياحضن حنون
ياطير أبيض بغصن زتون
عشان خاطرك . أنا مشاطرك
هناكي وحزنك المدفون
يامصر الحب يابلدي
………………………………………………
صباح شاهد على الإنتاج
يرصَّع لك ياأمي التاج
وصنع الإيد. ح يبقى نشيد
بلحن جميل بدون إزعاج
يامصر الحب يابلدي
…………………………………………………
صباح مشرق قوي وبسَّام
على شعبك راهب وإمام
يزيد الحلم . نور العلم
ياجامعه شملنا بسلام
يامصر الحب يابلدي
……………………………………………………
صباح راعي لأمن الناس
على أرضك بذوق وأساس
يزيل الغدر . نور الفجر
مع ولادك من الحُرَّاس
يامصر الحب يابلدي
……………………………………………………
صباح بزياده من عندي
يقول يامصر أنا جُندي
أصون الأرض . وأحمي العرض
وليكي العين دي والعين دي
يامصر الحب يابلدي
…………………………………………………
صباح بإراده وعزيمه
ياعاليه الشأن ياعظيمه
يقول بضمير . يانبع الخير
دا إنتي القامه والقيمه
يامصر الحب يابلدي
****************************
الدكتور/
خالد عبدالحميدخر بوش
من ديواني المعنون:
معنى كلمة شعر إيه ؟!
تعليقات
إرسال تعليق