كتبت ياقلمى * عماد فوده
كتب
عماد فوده
كتبت يا قلمى كتير عن الحب وبهجته
ورسمت بين سطورك للعشاق ســكته
كتبت عن افراحه وانت معرفتش غير قسوته
رسمت الورود للعاشقين وخدك عليه دمعته
حبيت المستحيل شوفت العذاب وعرفت شديته
قلبك بيصرخ بين ضلوعك فين الحب وفين رحمته
عيونك بتنزف دموع والزمان مستحيل تشوف بسمته
بتبحث على حبيبك قى ظلام ومستحيل توصل لسكته
انساه يا قلبى ومسح دموعك وابعد عن الهوا وعن لعبته
حبيبك لغيرك وعشان يعيش سعيد ارجوك ادفن جواك محبته
هو ده الزمان تكتب عــن جمــــــال الحب وانت بعيد عن فرحته
تعليقات
إرسال تعليق