مركب بلا شراع * كلماتى : حسن يونس شاعر الزمن الجميل

مركب بلا شراع
=========
متغضبيش ولا تزعليش
ومتسأليش عن حبى ليك
وبلاش أشوف حزن فى عنيك
ولا تزعليش كدا من كلامى
دا فوق شفايفك مرسوم سلامى
ولا تغضبيش كان نفسى أصارحك
بكرة زمانى يداوى جرحك

بس الحقيقة أنا مش هقولها
أصل الحقيقة ساكنة فى كيانى
ومستحيل ينطق لسانى

أنا مش هقول كلمة بحبك
بس أسألى عنها فى قلبك
أو فتشى فى سطور غرامى
يمكن على حبى تدلك

روحى أسألى عنى الشفايف
راح تحكى ليه أنا قلبى خايف
ليجرحه ورد الخدود
قلبك لدمع عنية شايف

أسألى إيدك تقولك
أسأليها عن سدودنا
أسألى إيدك تقولك
أسأليها عن حدودنا

لسة عايزة تسألينى
ولا عايزة تودعينى

مش هقول كلمة وداع
مش هسيبك للضياع
مش راح اوصل شط قلبك
مركبك من غير شراع
مش هقول كلمة وداع
...............................
كلماتى :

حسن يونس
شاعر الزمن الجميل