عاشق لاحضانك * الشاعر الامير محمد على

عاشق لاحضانك

ياام العيون السود
عاشق لاحضانك
خيرك مالهوش حدود
من قمح او ضانك
يامصر ياام الجود
عايش فى وديانك
ياام العيون السود
عاشق لاحضانك

يامصر ياام الجود
مالاقيت شبه حضنك
فى الغربه نلقى برود
والدفئ فى شمسك
يامصر دانت الذود
عايش فى وديانك
ياام العيون السود
عاشق لاحضانك

نيلك عسل محسود
يروينى طول عمرى
والعمر لو ممدود
دايب وده أمرى
يامصر ياام الجود
عايش فى وديانك
ياام العيون السود
عاشق لاحضانك

مرسوم على جبينك
نيلك واهرامك
والعُرف فى دينك
دا صليب مع هلالك
وسماحة بتزينك
عايشه فى ودياتك
ياام العيون السود
عاشق لاحضانك

حضنك ملا قلبى
حب وحنين وحياه
وهبك جمال ربى
حضنك ماشفت سواه
وانا ولدى مــــــتربى
عايش فى وديانك
ياام العيون السود
عاشق لاحضانك

لو لف بيا الكون
دايما هاقـــول الله
بلدى باام حـــنون
حضنك أمل و حياه
يامصر ياام الكون
عايش فى وديانك
ياام العيون السود
عاشق لاحضانك

الشاعر الامير محمد على