اه عليكى يا دنيا* كلمات نبيل زيدان

اه عليكى يا دنيا
------------------

اه عليكى يا دنيا ....

لما فى يوم تعاندينا ....

و تيجى علينا و تظلمينا

اه و بالرخص يا دنيا تبعينا

و من الفرحة يا عينى تحرمينا

اه عليكى يا دنيا ....

لما تضيعى من ايدينا ....

ونتوه معاكى يا دنيا ....

و توه معاكى خطاوينا ....

دى الضحكة يا عينى بقت تبكينا

اه عليكى يا دنيا ....

تعالى يا دنيا نتصاحب

و بالحب أنا و انت نتصالح

و بلاش يا دنيا نتعاتب

يلا انا و انت نتسامح

على ايه يا دنيا ح نتحاسب

يلا بينا يا دنيا ننسى امبارح

حناخد ايه من خصامنا

غير وجع القلب و كلام كتير جارح

رجعيلى يا دنيا اغانيا و ليالى غرام كانت منسية

وضمينى يا دنيا فى حضنك فى كل نهار و عشية

وخدينى يا دنيا لامانى جميلة و ايام فرح وردية

ويا رب يا دنيا اعيشك بنفس راضية و مرضية

وحياة جميلة هنية ....

ساعتها راح اقولك .... الله عليكى يا دنيا ....

كلمات نبيل زيدان