دمع الشفايف * رامز عيد

دمع الشفايف

صَبْغِتْ خدودي ملوح بدموع البكي
غمرت زنودي تنوح شوق بتشتكي
فتكرت زنوبي صمت ما شافت دموع
جفاف الدمع ردّيت و تقاست وجوع
عرفت جمودي جروح بشفافي البكي

غير النسا الرجال بعيونو ولوع
بحرق الجفا ملذوع حلقو بيتكي
جمر الاسا سيّال بضلوعو جموع
ثوب الدفا مرقوع مزقو محيكة

غيم القسا رحّال دخانو طلوع
بردان حضنو صح عصراتو لكي
قهر المسا شلال نهداتو ركوع
عيدان غصنو طح يبسانو حطب
شعلان قلبو نحّ غليانو قطب
عبد الحشا بوصال بالعب ضحكي

صعبة على الرجال بعيونو البكي
تبكي الشفايف دمع والدمع الحكي

رامز عيد
13/11/2016