زمن الغربه

بقلم

حسن يونس

مكتوب علينا السفر والغربة والترحال

والحزن زى القدر فى لسانا بقى موال

وعشقنا حتى السهر وعمانا حب المال

تايهين فى وسط البشر وأنحط بينا الحال

زمن الأمان أندثر والدم منا أنزال

والقلب أصبح حجر والحب منه أتشال

ياخلق شوفوا النصر فى أكتوبر الأبطال

خاف الظلام وأنتحر وأتحطمت أهوال

أنسوا الطمع يابشر علشان يروق البال

وبلاش حياة الضجر والمشى فوق الرمال

هما شوية صبر ونعدى أى محال

خدوا من جدودنا العبر وعلموا الأجيال

وعجبى ..