ضحك وانا جوايا بينزف *بقلم/هناء محمود

ضحك وانا جوايا بينزف 
بضحك واستهبل وبخبي
توهان عقلي وحيرة قلبي
بضحك في زمان بقي مؤرف
الاخ فيه بالاسم موش اكتر 
وصديقي تاه مني في زحمة
والدنيا البيضا بقت كحلة
لا انا شايفة ملامح للايام
ولا عندي لبكرة ولافكرة
ضاع مني كلامي واحساسي
راحت افكاري من راسي
الفكر بقي دايماً شارد
والخوف لبكرة بقي دليلي
ياخدني لبعيد ويجيبني
والفرح ماراضي يجييني
بضحك علي نفسي وبداري
خوفي من بكرة وايامي
ملعونة الدنيا بحكاويها
ملعونة بخداعها وغناويها
الطيب فيها منداس
والغادر متشال ع الراس
الدنيا ضاعت ملامحها
والناس بقي ليهم مليون وش
ايشي كره نفاق حقد وغش
والظاهر وش ملاك بجناح
الدنيا بقت ماسخة
ماليها لون ولا طعم ولا وش
بعد الطيب منها ماراح
(هناء محمود...ام عبير)