(شفت الحليوة) بقلم الشاعر(عرفات الامير)

قصيدة بعنوان(شفت الحليوة)
بقلم الشاعر(عرفات الامير)
مصر/قنا/٢٠١٦/١٢/٥/الاثنين
!!!!!!!!!!!!!!!!!!!!!!!!!!!!!!!!!!!!!!!!!!!!
شفت الحليوة مرة عيوني قالوها
ماسكةبإديها الجرة تلاتة قلوها
ياام الحمول تقيلة مين إللي قال ليها
تترك مكانها ف قلبي داماكانشي قولي ليها
!!!!!!!!!!!!!!!!!!!!!!!!!!!!!!!!!!!!!!!
أصلي الكلام ع الهوا ياابو حمل تقالي
مايحس جرح الهوا ابو بال مش خالي
وقت التعب ياناس وين عمي وين خالي
دنا قلبي داب احساس من قلتك ياخلي
انا ف جناين هواكم بستاني ولا خولي
!!!!!!!!!!!!!!!!!!!!!!!!!!!!!!!!!!!!!!
إتنين والعهد تالت وبحر الهوا غلاب
لا المخ ناسي صورتك متسطرة ف كتاب
والقلب بيتك وحدك وصرناخلاص احباب
اللوعة تعصر قليبي والصبر منك فاض
شلتك جوات النني وقفلت عليك الباب
نار الغرام بتاكلني والوعي مني غاب
!!!!!!!!!!!!!!!!!!!!!!!!!!!!!!!!!!!!!!!!!
سامحيني عذري بان والدمع مالي العين
وانسي خلاص إللي كان وكفاية بقي تفكير
كل العشاق حياري وبيشبهوا المساكين
إللي ساكن خمارة وإللي قليل الحيل
!!!!!!!!!!!!!!!!!!!!!!!!!!!!!!!!!!!!!!!!!!!!!!!
كترت ليه العتاب والرد مش ف الإيد
كتر العتاب خراب وما يرد ف يوم بعيد
فكر بصوت عالي وكفاية خلاص تهديد
ماوصلني يوم مرسال بجملة واحدة تفيد
غير كلمة خلاص وداع والنار جوا تزيد
!!!!!!!!!!!!!!!!!!!!!!!!!!!!!!!!!!!!!!!!!!!!!!!!
صدقت ليه عزالي لماإنت باقي علي
لا رحمت يوم حالي ولاعيني شافت ضي
بتقول إني غالي إيه الدليل ياخي
بتقول إني حبيبك ومالي ف دنياكو زي
طاب ليه العشرة هانت وتركتو خلاص الحي
وإيه أسوي بعديكو أنا ميت ماني حي
!!!!!!!!!!!!!!!!!!!!!!!!!!!!!!!!!!!!!!!!!!!