جمالك * طارق عطية..

جمالك

مش لايق عليكي الحزن
ولا علي نور جمالك

كت عينك لقلبي الحضن
منين الدمع جالك

أنا لو بدمي ....
افدي دمعة من عنيكي
الذنب ذنبي
وادي أنتي سامعة وبيناديكى

الحزن كان ملوش مكان
في القلب فاضي
ليه بس هان الدمع ليه
القلب راضي

أنا مش حسيب الحزن
ولو يخطر ببالك

أنا قلبي سهران كل همه
أنه يواسيكي
نفسه القمر لو بان الحزن
يقول ناسيكي
فرحك جمالك
خليه في بالك
مش مكتوبالك
تحزن عنيكي.

الحزن كان مكتوب
للي جماله خانه
إلا جمال القلوب
الروح بتهون عشانه
صورة وجميلة
وعيون كحيلة
ولا ألف... ليلة
وأهو آن أوانه.

طارق عطية....شعر غنائي