ضعفي * طارق عطية....شعر غنائي

ضعفي

خايفة أضعف من الفراق
ومن الأسية
مين يحس إلا اللي داق
 أرحم شوية

لو تحس...... بوحدتي
لو تشوف. لون دمعتي
كنت تفهم..... شكوتي
 من بين عينيا .

خايفة لتضيع من ايديا
سنين حياتي
مش حيفضل باقي ليا
 إلا حكاياتي

كل احساسي....... أنه خوف
من بعادك............ والظروف
خايفة ييجي اليوم وأشوف
 منك اهاتي.

ضعفي إني أحس بعدك
بالأمان
طب كفاية... علي بعدك
 والزمان

تايهة خايفة.. في سكتي
خايفة أتوه.. عن وحدتي
إيد مين حتمسح دمعتي
 لو خوفي بان.

اللي يرضي لقلبي احساسه
بهوانه
تبقي غلطة قلبي لما اختار
 مكانه

بس مش معني اللي فات
إن من الخوف قلبي مات
لأ .....دي حتكون ذكريات
 لقلوب وهانوا.

طارق عطية....شعر غنائي