نهر الجنة لشاعرة هدى سيد

لشاعرة هدى سيد

مين هيروى التمر حنة
بعد ما نهر الجنة خاننا
قوللى يا أنهار عسلنا
مين هيحلي مرار زماننا
ولا يمسح دمع عيننا
ليه بإيديك طفيت شموعنا
ليه اخترت طريق وداعنا
قلب الجنة حن ليك وبيناديك
هى تبقى الجنة جنة إلا بيك
هو الضي ف عينى يلمع إلا لو
بص ف عينيك
ولا القلب يدق نبضه إلا لو
يتدارى فيك
ها يا قلب الجنة قوللى
فين هتلقى قلب زيي
يحب فيك
أو يبيع الدنيا لاجل
ما يشتريك
قلب الجنة بيناديك
مشتاق إليك
عمر الجنة ما تبقى جنة
 يا نور عيونى إلاااا بيك