مبقاش في حاجه تجرحها * بقلم . محمد سالم

مبقاش في حاجه تجرحها
خلاص دلوقتي كلي جروح
وحتي روحي اما اصارحها
 متردش مش عايزه بتبوح

عملت ايه فهمني
تيجي عليا وتظلمني
مثلت عليا الحب
وقدرت تملك فيا القلب
واتريك بالحب بتوهمني
خلتني اقول ياريتني محبتش
ازاي صدقتك وازي محستش
وافرح بكلامك وانت بتكلمني
كنت بقول الدنيا ضحكت
والحلم اتحقق بقي ملموس
اتبدل ضحكي بجروح صحت
ولقيت حلمي قلب لكابوس
ولقيتك للضياع بتسلمني
وياريت كمان سايبني في حالي
بتذيد جرحي وتقول وانا مالي
واكره نفسي اذا جيت علي بالي
واكره كل دقه في قلبي
انه امانلك وكان سبب حبي
واداي اخرتها قلت يارتها
دقاتي ما كانت طوعتني
كان قلبي ع الحب حريص
جرحتني وبعتني بسعر رخيص
 لا وعلي حبك بتندمني

قلم . محمد سالم