( ست الحبايب ) الشاعر جمال القياس

الامومه اصدق عاطفه حيث لايعتريها زيف
ولا مداهنه لانها عطاء دون انتظار مقابل
الى كل أم فى عيدها كل عام وانت سعيده
(((((( ست الحبايب ))))))
شلتينى على كتوفك
صاين أنا معروفك
واشم على قلبى
يا أمى أنا حروفك
راسم فى كراسى
شيلانى بكفوفك
حضنانى بعنيك
هتموتى من خوفك
يا أمى بدعيلك
يرد ملهوفك
يا مولعة بخورك
ترقينى من نظره
يارب ما اشوفك
حزينة ولا مره
سقيانى حنان شهدك
حطانى فى عيونك
غطيطى برموشك
لو جانى يوم عثرة
بقلبك تشدينى
ما انتى نور عينى
من قلبى بدعيلك
ما تشوفى يوم حسره
يا أمى يوم عيدك
أحب على ايدك
أرد معروفك
اوفى ولو ذره
 الشاعر جمال القياس