أول غلطه * من إبداعات الشاعر طه الروبى

مع أول غلطه
ليك
كتير ينسى خيرك
وكتير ينكر جميلك
ويتكلم بالزور عليك

مع أول غلطه
ليك
كل خيرك يتنسى
ويجوز إنك تتنفى
ودى طبيعة البشر
النسيان والجحود

مع أول غلطه
ليك
وممكن متكنش تقصد
يكتر القول عليك
وحجات ولا كنت
تحسب
ويبان المختفى
وتلاقى اللى حبيبك
بسرعه يهد فيك
وينسى فضلك وخيرك
ويذكر بس ليك
آخر موقف وحاجه
ويمسكها ذله ليك

وممكن تكون برئ
مش غلطان فى شئ

مع أول غلطه ليك
تلاقى كتير يشوف
إنك محتاج تموت
ولا يخدوش نايبهم
من الصبر والسكوت
مع أول غلطه ليك

من إبداعات
الشاعر
طه الروبى