{{>> إمتى تحن علينا ياريس << }} بقلم/سمير محمد

****
{{>> إمتى تحن علينا ياريس << }}
:
والله كبرت يواد يا سمير
وسنين العمر اتسرقت منك
وبدر الشيب على وجناتك
والخجلان جاب أخره عرق
وعيال الحارة إللى خجلوك
لما شفوك جواك حبيس
قالوا جدو
خرج جدو خرج
معزوفة ندا
لكل .... حسيس
وكنــّا زمان بنقولها ياما
فك الكيس وادينا بقيش
تحسست جيوبى
لمحت عيوبــى
وقولت إتسرق منى الكيس
والأولاد يادوب لمحونى
حاطت إيدى جوا جيوبى
إتكاترو على كأنى عريس
شافوا أيادى طلعت فاضيه
كله دور وشه كأنه تعيس
والمعاش عمره ما كافى
عشره منه لكل حسيس
والأسعار علينا ولعه
لقطـه كل اللى..... فى الكيس
والشيب أهـو علــَّى باين
والظهر عايز له
اتنين عكاكيز
لانقدر نزرع ولا حتي نقلع
كنا هابرنا
وكلنا عليهم عيش
وشهر الخير شرف جانا
وادعوا معايا المولى تعالى
يكفينا يخويا
شر الأباليسس
ويهدى علينا الست غاده
ويجعلها لينا خير أنيس
دا المعاشات
فى الصف التاسع
والأسعار كالطور الكاسح
والنفس عزيزه إتكسرت
ولا شفنا أبدا جبران خاطر
ماهو إحنا صحيح
خلاص وقعنا
و العزه بيها نكابر
والأوطان مابتنى بشده
ولاّ انتو عايزنا منها نهاجر
إطعم فمى
فـول ..... وعصاير
دا الصِدّيـق ماكنش قاهر
ولجبر الخاطر عمره مكاسر
دا الأمراض إتفشت فينا
وطعم الكون بقى لينا مغاير
وبرده العزه ييها نكابر
إمتى تحن علينا ياريس
ومين غيرك
للضعفى ناصر
إرجع إرجع لف يواد
واستغفر ربك رب عظيم
هو خلقنا ومش هييسبنا
رب كبير لكل الناس
أتمنى من الله
صوتى يوصل
وتصحى حكومه
من نوم العافيه
ونصحى نلقى
الواقع أجمل
وتشوفنا بعين الرأفه ياريس
لاجل الشعرا
وناسي الحرف يعم عليهم
حـــرف البهجه
يفرّح منهم كل تعيس
:
بقلم/سمير محمد