يانفس توبى ياسر شرف كبير محررين مترجمين باتحاد الاذاعة والتلفزيون

يانفس توبى
========
يا نفس توبى مع استغفار
وصلى على النبى المختار
قبل ما يجرى العمر قوام
وتقولى فاتنى وكنت نيام
واتمرمرغى فى تراب لمكان
بدموع ندم توبة للرحمن
ربك قوى وكبير جبار
على كل ظالم ليل ونهار
لو كان ملك او كان سلطان
فى الاخرة يبقى نصيبه النار
وممكن فقير وحياته دمار
يملك قصور فى الجنة عمار
المولى عادل كده بميزان
وحسابه رحمة للانسان
لو كنت ظالم او جبار
مرض يذلك بإستمرار
وباهات ندم تبكى وتحتار
لعذاب الم ويضيع سلطان
وساعتها تدعى فى كل نهار
وتقول سامحنى ياغغار
بدموعى بامسح اعتابك
ذليل وواقف على بابك
ارجو فى عفوك فى حسابك
والرحمة اسم من أسمائك
ياما ملوك دول كانوا ظالمين
فى تراب اذلة ومدفونين
لا مال نفعهم ولا ملايين
الا العمل وصلاح الدين
يارب عبدك وأسمى فقير
اطمع فى كرمك وانا مسكين
لاحول لى ولا قوة كمان
انت الملك انت الرحمن
املى فى رضاك ده فى يوم الدين
واحسن ختامى فى قبر ظليم.
فى تراب واهلى دفنونى
وفى ثانية مشيوا وسابونى
خايف ومرعوب بظنونى
ولا جاه وسلطة نفعونى
وملايكة واقفة وسالونى
دينى وربى ورسولى
يارب ثبت فى سؤالى
انت اللى عالم احوالى
ارواح كتير كده امثالى
سبقونى دايما فى خيالى
انت الكريم انت الغالى
وانت اللى عالم اعمالى
اغفر ذنوبى ارحم حالى
توبة نصوحة بدمعى الغالى
ولا كل اهلى واموالى
ولا واسطة ترحم فى جبالى
ذنوبى دلوقتى امامى
لايفيد ندم فى ميزان عالى
مع تحيات الفقير إلى الله
ياسر شرف
كبير محررين مترجمين
باتحاد الاذاعة والتلفزيون