...على ايقاع اللي جوه القلب كان محمود عبد الخالق عطيه

.............................على ايقاع اللي جوه القلب كان ...........................
هل شهرالصوم حدانا
للهدى والنور دعانا
يللي في رحابك ايمانا
بالورود حسنك نادانا
هات طبالك يامسحراتي
لحن عود ياجميل شجانا
فين حبالك يامنقراتي
صوتك الرنان سقانا
غني جانا يامغنواتي
اللي بالغفران شرانا
من حنيني باح سكاتي
في رحيله بنشوف شقانا
الدموع نادت آهاتي
لو تجف تجود دمانا
سلسبيله باعث حياتي
والهموم تنزاح ورانا
كان وصاله يحيي ذاتي
في بعاده ظلام علانا
مشتاقين له كل ثانية
حورجنان طيبه غوانا
للمعالي ايده بانية
بالمراحم والخيرملانا
مين ياناس يعقل مرادي
فين رجال تفهم لغانا
الكحيلة شغلت فؤادي
رمش عينها اللي سبانا
الجمال ع الخد بادي
أشعلت نيران هوانا
رقصت أوتار ودادي
والدلال ياريم كوانا
القمر سهر سهادي
نادى نجم الروح معانا
الليالي نسيمها غادي
الظلال والشوق أوانا
روح ياطير احرس هنادي
الحرامي جاي ورانا
عامل انه راعي لينا
بالغلا والنار شوانا
قال تراثكوا دا مغالطة
الأصالة أسباب أسانا
الحداثة مش الأوانطه
فكر غربي فيه هنانا
عامل انه طبيب بشنطه
ديب بمكره ياناس سهانا
في انتظاره على المحطة
صهيون نوراني بيه بلانا
غني وحوي نرد ياحة
أصل وحوي جه حوانا
صحي ميمي وصحي حاحه
السحوردا فيه شفانا
الفطور افرش له ساحة
فرح الأطفال معانا
بالنهار يحفظ جوارح
والليالي شموع سمانا
العبادة للروح بتروي
القيام قوتنا وغذانا
هات وصالك يحيي دنيا
ران قلوبنا قد علانا
القراءة في المساجد
للتجلي ملاك سبانا
الشيطان منك بيفرق
من تراويحك هنانا
هات فانوسك عرش علينا
قبل ماتموتنا دانا
يللي فضلك زاد وغطى
على البواقي هات أمانا
آه ياعمري لما تيجي
عرس صومك كاد عدانا
آه ياقدس مش ناسيكي
يللي طهرك فيه ندانا
ياحبيبتي الله عليكي
بالصمود ربك حمانا
ياعراقنا عيني ليكي
يللي فيكي بكاء غنانا
آه ياسوريا من حاميكي
للخراب يرفع أذانا
مين يامصر قال فاديكي
ليكي ربي اللي بارانا
آه يا أمة كان كافيكي
سنة العدنان زمانا
ماخلاص اتغذى بيكي
اللي بالهوان محانا
محمود عبد الخالق عطيه