من أول السطر / أسامه عبد القادر أحمد
من أول السطر
لازم من وقفه
ونرجع للسطر من الأول
فاكرين فلسطين
البلد العربي من عمنول
والنكبه الكبرى بطرد الناس
وتسكين دخلاء مالهومش أساس
وأيا كان مين همه
فلسطين عربيه لغه وإحساس
ويللي بتحاربوا بعض ف.ليبيا
قايسينها ازاي وبأي مقاس ؟
ليبيا عربيه
وليه تستدعوا غريب عنكم ؟
ياخد خيركم وهيحكمكم
وكل الخير على إستنبول
هيستنزف فيكم كده على طول
الشعب التركي بالنسباله
الدرجه الأولى
وانتم معدومي الدرجه خلاص
حرروا أرضكم من الهجاص
الحاكم فيكم يكون من بينكم
عربي ليبي وكمان من دينكم
وافتكروا فلسطين لما ضاعت
وقالوا باعوا الأرض وراحت
وياترى التاريخ بعد الكارثه
هيقول عليكم إيه ...؟!
أسامه عبد القادر أحمد
تعليقات
إرسال تعليق