أنا كنت زي الفيل/ وائل سعيد
أنا كنت زي الفيل
بدوس ولا بفادي
لا يهمني لايمين
ولا حتي حسادي
دلوقتي حملي تقيل
بطاطي وبدادي
عايزها بس تسير
والستر لولادي
اخاف من التكشير
والنفخ في زبادي
البحر موجه كبير
والخط في الوادي
لا مخلي حد يسير
ولا حتى نوح شادي
بنا وكمان تعمير
دول سلو أجدادي
والعجلة مهما تسير
مش شايله احفادي
جايز نكون تايهين
وعلى بكرة بنادي
مسكين خلف مسكين
وحلم الجميع نادي
بالستر أهو عايشين
راضيين وبندادي
منعرف لفين رايحين
طبع الكبير سادي
شاريين ومش بايعين
وارواحنا هنهادي
حب السما والطين
دول ورث أجدادي
......وائل سعيد.....
تعليقات
إرسال تعليق