ألف حلم ولقطة لقطه/ بقلم عمر جميل

ألف حلم ولقطة لقطه
...........................................................
أمرك عجيب مش بتغيبي عن عقلى ثانية
فيكى إيه وليه بقيتى لنبضى سلوة
ولا زى ما قالوا ايوا مراية الحب عامية
فيكى إيه يا قمرى قولى مخلى الليل نهار
والقمر حضن النجوم م السعادة الكل طار
كل دا شوفته ف مراية كان ملامحك بس فيها
من ساعتها بغنى واحكى اشواق كتير باينا ف عنيها
قلت العيون؟ ايوا العيون فيها الجمال كتير كتير
اوصف ف ايه ولا اوصف ايه حتى النفس عطرو عبير
والخلاصة... لما بتكلم عليها قلبى م الأشواق يطير
كل دا من نظرة واحدة لاقيتنى كشهريار أمير
كل دا خيال خيال ممكن ف الاحلام يصير
مرة تانيه ف حلم تانى لمسة من ايدها الحرير
كل يوم هوصف جمالها لقطة والأحلام كتير
............................................................
تحياتى.....بقلم عمر جميل