جوه قلبى بقلم /محمد على عاشور

جوه قلبى
بقلم /محمد على عاشور
قالت أسأل قلبى عنها
قلت قلبى مش معايا
فر منى
راح معاكى و عاش بقربك
حتى روحى
لما غارت من عمايله
لمت الأشواق و طارت
عند روحك
أما قلبك قال قلبى
خلى بالك من حبيبتك
أصل انا رايح لحبى
لما جالى كان بيضحك
بص شاف روحك
بتضحك جوا منى
فاكر انه كان سابقها
قام مسلم بالحنان
جمعوا الأشواق فى بسمه
رسموا فيها احلى نسمه
زرعوا فيها كل وردة
كل زهرة
جوه قلبى جوه قلبك
طرحت الياسمين كمان