مغرور/ سامح إيليا
مغرور
عابر سبيل
مابين السهد والحيره
وقلبي اللي في هواك ، دايب
بعاني ومقدر الجيره
وشايف إن انا ، العايب
بصبر نفسي بالعيره
واقول بكره انا ، صايب
واتاري بكره بالغيره
بيفرق ، ماهوش جايب
حبيبي ، كان مالي انا بحبك
وليه تشغل بالي بهواك ؟
حبيبي ياما دبت انا ف حبك
وكان املي اكون وياك
واتاري اللي هوى قلبك
جزاته المر لو يهواك
تدوس ع الكل في دربك
وتوزع يا روحي هلاك
هو انت عشان ما جميل
تبيع وتشتري فينا ؟
أمال امتى هواك هيميل ؟
وإمتى الحضن يدفينا ؟
دا الزمن يا جميل هيشيل
مع الايام ما يغوينا
بلاش بالذمه تتفرعن
واحمد ربنا وهاود
دا حتى صعب اللي يتملعن
وحن شويه وعاود
ياللي جمالك يجنن
بكره تندم ،،، وتراود
سامح إيليا
تعليقات
إرسال تعليق