خايف / خالد الشاعر
خايف
----------------
خايف لما اقابلك انسى
كل كلام مكتوب جوايا
قبل ما اشوفك بكتب
حلمى
وبستنى الرد
بس لسانى لما يسلم
قلبى معاة برضة يسلم
وعيونى تفضل تتكلم
ومن حواليا
ناس وكتير
عاوزة تسلم
ابعد عنك-بس اتألم
علشان بعدك
تانى اقرب القى عيونك منى تقرب
اما لسانى فيسكت خالص
خايف لما اقابلك انسى
كل كلامى
هو الحب اللى انا
عايش فية
واسأل نفسى
لية تقابلها
حاسس انك منها وليها
ولا الحب دة خلاك
تعشق فيها
وتنسى الدنيا من حواليك
حاسب اوعى
كل الناس بتبص عليك
ايوة عنيك فضحاك
من بدرى
يلا اتكلم
اوعى تدارى
اوعى تسلم بس عليها
احكى غرامك
قول حبيتك
قول مستنى انا من بدرى
اصلك قدرى
جهز نفسك من دلوقتى
سهران ليلك تحلم بيها
وتانى تعدى من قدامك
رمش يسلم
عين تتكلم
وانت مكانك
يلا اتحرك
لو مش فاكر
اى كلام
انظر ليها جوى عنيها
كل كلامك
بس احكيلها
تدوب فى غرامك
او
تنساها
لو انت مش قد هواها
تعليقات
إرسال تعليق