مناجاة الحبيب / د. علاء البسيوني / مجلة ورد المنى وملتقى الابداع

 مناجاة الحبيب

كلماتى ...

د. علاء البسيوني

أيوة حبيتك

بقلبى وروحى حبيتك

فرحت فرحة الطفل البرئ لما لاقيتك..

لقيت الدنيا جويا بتزهزه وبتنور ...

وكل شئ فى الدنيا غنى لحظة ما غاويتك..

ايوه حبيتك..

كنت بحلم بيكى فى ليللى كل يوم

كنتى لما احس طفيك تنشال عنى الهموم..

كنت لما يعدى عليا رسمك يضوى قمرى وسط الغيوم

نفسى اقولك باعلى صوتى

حبك جميل

عشقك جميل

قربك جميل

بعدك جميل

أيوة جميل

وان كنتى محتاجة لدليل

انتى الدليل

لما حبيتك أصبح كل شئ فى عنيا جميل

كل الشجر ...

كل البشر..

كل الزهور...

كل الطيور...

غردت يوم ماحسيتك باللحن الجميل

حتى العذاب وقت الغياب كان جميل

حتى الهوى ساعة الجوا اصبح نسيم عليل

حتى أغصان الشجر من فرحتى صبحت تميل

والكون حواليا نوّر أيوة نورّ بشمس الأصيل

أول ما شوفك يضيع منى الكلام..

كنت ابات ليللى أرتب فيه بكل إهتمام

كنت أقول لنفسى اول ما اقابلها حاقول..

أول ماشوفها حاقولها كل الكلام المعسول..

كنتى بمنى نفسى أن الكلام بينا حايطول

لكن مصيبتى اول ما اشوفك يروح منى الكلام على طول

أول ما اشوفك يضيع منى الكلام واتساع

وادور عليه فى كل كيانى ما ألقاه..

راح فين ياناس ياعالم راح منى أزاى أنساه

قُصر الكلام إنى عشقتك وانتى المرام

انتى الجمال وانتى الدلال وانتى اللى ليا بوجه عام

انتى الأمل وانتى المنى وانتى فتاة الأحلام

خلاص حبك ملكني وطير من عيني المنام

وبات حبك فى قلبى دم نبضه والهيام...

أيوة بقولها انا حبيتك بكل مفردات الكلام..

أيوة حبيتك بكل مفردات الكلام.....