جدتى-الشاعر الامير محمد على
جدتى
ملامح جدتى أمنه
ريفيه بهية الأوصاف
وأم لاأمى .. مؤتمنه
وفيها طيبة ألأرياف
ويوم ماتكون زيارتها
تجينا وشوقها سايقها
ودايما كان فى جعبتها
كرم وكرمها سابقها
وكنا نشوف ف جياتها
جبل حنيه متعافى
تخدنا بحب لراحتها
ونلزق فيها بتعافى
نشوف دايما ملامحها
غيطان الريف مع نخيله
ونور الشمس وصباحها
وحسن البدر مع ليله
ولما نروح لزيارتها
تكون شمعه ف وسط الدار
وعٕنبه كات على بيتها
وكرمه بتبهر الزوار
ونلقى طيورها وخروفها
بيجرو من مكان لمكان
نشوف ريشها مع صوفها
ونبقى ف اسعد الأزمان
بحس بجدتى لما
بشوف احفادى ويايا
ولاقى عواطفى مهتمه
بهم والحب جوايا
ولما الفكر يستنى
إليكى بادعى واتمنى
برحمه وقصر ف الجنه
إليكى ياجدتى أمنه
الشاعر الامير محمد على
تعليقات
إرسال تعليق