جرح الآه-سامح إيليا
جرح الآه
سامح إيليا
عابر سبيل
يا دنيا مالك بس ومالى
حرام يا دنيا ، سيبينى ف حالى
كفايه اسيه يا دنيا ، كفايه
كفايه منك ما جرالى
طول عمرى ، عايش وحدانى
وانت اللى دايما ، واخدانى
وكل ما ابعد عنك ثانيه
الاقيكى جيتى من تانى
طب اروح فين يا زمانى
الدنيا تملى ملاحقانى
اضحك واقول : ايام وتروح
الاقى جراحى مآلمانى
خلصت صبرى معاكى يا دنيا
فضلت صابر لآخر ثانيه
وانت دايما ظالمانى
وجراحى عندك دى امانى
ولو لقيتينى بضحك مره
تخلى حياتى ، لون تانى
ليه يا دنيا دانا غلبان
بقالى زمان ، بأمانه تعبان
بحاول اخرج م اللى انا فيه
موش لاقى معايا ، ولا انسان
كل المعارف فاتونى
وكإنى من كتر جنونى
الكل بقى يهرب منى
ولا حتى عاوزين يشوفونى
طب قوليلى راح اعمل ايه
وايه علاج إللى انا فيه
رحت لأطبا كتير ياما
ولا حد فيهم علاجي بأيديه
يا دنيا شكوتي منك لله
على مراري وجرح الآه
هو الواحد وليس سواه
عنده علاجي وأفراحي
عنده علاجي وأفراحي
عابر سبيل
سامح إيليا
تعليقات
إرسال تعليق