مش بحبك/ حسن حمدى
مش بحبك
............
اتهموني بالعماله
لما قولت في يوم بحبك
واني عايش واستحاله
ابقي دقه يوم ف قلبك
وانتي وخداكي الجلاله
وسايبة كل الناس تهدك
لا وعجباك القواله
وتحلفي لي كارها ذنبك
اه يا موال القساوه
و المرارة شاربه منك
بيعي كل رخيص وغالي
وازرعيني عود ف ارضك
ولا عالدنيا السلامة
كل شيء مباح وضدك
ليه بتسقيني المراره
وغيري يشرب صفو شهدك
وقت حربك ف الصدارة
وف السلام مداس ف رجلك
يللي حبك كان غمامة
والسحاب يحرمني منك
نفسي ابطل الكتابه
واترمي شهيد في حضنك
نفسي اغزل توب صبايا
وانقشه بعيون تحبك
......
حسن
تعليقات
إرسال تعليق