على فكرة من نيتك-بقلمي زينب شبل
على فكرة من نيتك
الحلوه والنادرة
داب قلبي ف محبتك
وعليه منيش قادره
أمنع عنيه تناديك
لو حتى مش سامعهُ
وبالحنان يهديك
مهما يسيل دمعهُ
وأقول له ينسى يثور
وعليا يتعصب
شايفك له طاقة نور
وبين إيديك مأسور
وحُبه ليك مكسب
لك انت.. مش... ليا
ودي مني كلمة . حق
دا أنا عايشه منسية
ف الدنيا وماليا
أقول و لا آه ولا لأ
على فكرة من نيتك
الحلوه والنادرة
داب قلبي ف محبتك
وعليه منيش قادرة
__________
-بقلمي زينب شبل 24\1\
2021
تعليقات
إرسال تعليق