أنا رجل برا ورجل جوه -بقلمي زينب شبل
أنا رجل برا ورجل جوه
الفيس بجد
مفييش لا حيل ولا فيا قوة
ل اي حد
تعبانه فعلا محبطة
ومش عارفة ليه
حاسه الحياة متلخبطة
والشكوة ليه
يمكن عشان في الشتا ؟؟
و البرد له هيبة
خلاني متكلفته
ودي برضو تذنيبة
يمكن عشان فيه الف؟؟ شيء
بيعدي يوجعني
والموت أخد له كام صديق
جري وما ودعني
يمكن يكون حبة كسل ؟؟
جايز ليه لاء
ماهو أصل فعلا لو عسل
مكانش لي الإحباط وصل
وسكِنت شق
يمكن . ويمكن ربما
أسباب .. كتير
ما أنا قلبي كاتب مظلمة
لله وباصص للسما
وبيستجير
********************
بقلمي زينب شبل ٢٧/١/٢٠٢١
تعليقات
إرسال تعليق