شاعر من ورق .......للشاعر / وائل سعيد
شاعر من ورق .......للشاعر / وائل سعيد
شاعر من ورق
لو طال عليه الزمن
يصفر أو يتحرق
لو دخل فى يوم السبق
تتوه منه كلمته ويتخنق
شاعر لو صدق
تكون شرارة كلمته
سهم ورشق
مالوش فى النفق
ولا يقدر يوظف كلمته
لمخلوق اتخلق
يوصف مواجع أمته
وقلبه فتق
شاعر من ورق
لو هبت عليه الريح
يطير للشفق
ولو مره جالو النسيم
م الريح عتق
شاعر من ورق
يحب طرف القرايب
حتى الهفق
يفرح لفرح اللي هايم
وساعة الهموم
يدخل نفق
شاري لناسه والكل بايع
لويشتكي
بطناشهم يتحرق
شاعر من ورق
والبسمة عنوان طلته
م الصبح حتى الغسق
وفى قلبه حزن وأنين
لو كان حجر كان إتفلق
شاعر من ورق
فى الدنيا طالت غربته
وغدر البشر لسفنه خرق
يغرق فى طمع البشر
كأنه ما غرق
شاعر من ورق
زاهد فى كل دنيته
وفى الخير صدق
لله رافع دعوتك
يغفر ما سبق
شاعر من ورق
لو طال عليه الزمن
يصفر أو يتحرق
................... وائل سعيد ............
تعليقات
إرسال تعليق