رباعيات (صمت الليل )-الشاعر/شريف توفيق
رباعيات (صمت الليل )
فى صمت الليل الدفين
زارنى طيفى كان حزين
قاللى قاعد لوحدك ليه
بقالك في حزنك سنين
سرح بالي وصلنى لفين
لسكة كان طريقها منين
دول بشر ولاهم بشر
مش ملايكة دول شياطين
وفيت لناس كانوا خاينين
أشتريتهم بالغالي ليه بايعين
طلعوا في العلالي أتكبروا
وفجأة غابوا ف غمضة عين
بيدي أنا دويت المجروحين
لماطابوا طعنوني بسكاكين
لية بس مصيري وجزائى
الغدر في عيون البني آدمين
بقلم
الشاعر/شريف توفيق
تعليقات
إرسال تعليق