خلاص..... بقلم/يحيى زكى

 خلاص.....

زمن الفرح انتهى..

والعمر فيه بيفوت

والقلب لما بكى....

مفيش للدمع سكوت

لما اعز الحبايب.....

قدام عنينا يموت..

نودع الافراح.......

وصعب زمانه يعود

خلاص.....

كان ليا اب فى الدنيا

كان بقلبى حاجه تانيه

هو الصاحب والخلان

صدر حنين مليان بامان

نفرح لما يهل علينا.......

ويشوف فرحه فى عنينا..

كنا بسعاده فيك يازمان..

ومره يوم م الايام....

من تعبه قال انا تعبان..

قولنالو سلامتك يابابا...

اشفيه يارب احنا غلابه

وللطبيب يطمنا عليه...

رد الطبيب ربنا يشفيه

صعب حالته مالها علاج

محتاجه لجراحه فوريه

مستشفى ويدخل عمليه

حاولت الملم فى جروحى

واجمع فكرى على روحى

دخل على غرفة العمليات

وبدعى يارب يخرج ليا..

وفضلت ادعى ربنا يشفيه

ودموعى مغرقه كل عنيا

ساعتها امى كانت جمبى

واخواتى ملمومين حواليا

بندعى رب اسمه كريم...

تانى نشوف والدنا سليم

لكن ايه هى الدنيا..........

الكل ماشى ماهى فانيه

خرج الطبيب وجرينا عليه

نقوله الحال طمنا عليه...

رد وقال ربى يصبركو...

دا عمره محسوب على ربه

واخواتى اتلمو حواليا...

م الصدمه ماشوفتش بعنيا

امى تقولى ماتبكيش...

لينا رب زيو مافيش...

ربك خد يابنى وديعته

والعمر محسوب بالثانيه

البركه فيك انت ياولدى

تدعيلو دايما فى الدنيا

وحضنت امى واخواتى

وقالت ادعولو ياولادى....

وقالت ادعولو ياولادى...

خلاص خلاص يادنيا خلاص

كسرتى قلبى باعز الناس....

خلاص...

بقلم/يحيى زكى