((يمكن لرجل… يمكن لإمرأة.. ))-------------- للشاعر د. علي مسلم عجمي
((يمكن لرجل… يمكن لإمرأة.. ))
-------------- للشاعر د. علي مسلم عجمي
يللي جمعت القرد للمال الوفير
يعني قرارك في إلو معنى خطير
يمكن .و بكرا المال بدو ينتهي
يبقى القرد نكبة ببيتك يا كبير
يأسان من إنسان فاسد شي كتير
يبث الفتن بالناس و يحدد مصير
يَبَّس الورد المزهر بفصل الربيع
يعمِّـم شرارة حقد معدوم الضمير
يكدِّس المال بخزنتو شكلو بخيل
يحس حالو بالغِنى ما لو مثيل
يبخل على المضطر تا يجيب الدوا
ينتهي عمر الطالب و يبقى عليل
يجرح بكلمة و الجرح ما لو علاج
يحرج و مانع على الناس الإبتهاج
يحزن متل تمساح عينو دامعة
يا خبثها عينين تدمع بالمزاج
يلعب على الحبلين بحروف الكلام
ياخذ الخير و شر يعطي عالدوام
يأسر قلوب الناس بلسانو الطري
يخدع و عندو بالخدع حب و غرام
يخيُّـط بـإبرة المهترية تيابها
ياخذ من الحية سموم نيابها
يفتح بوابو في مصالح خاصة
يغلق لباقي الناس كل بوابها
يتربص بشي بنت هيي و مارقة
يقول لها عيونك متل شمس الشارقة
يتلاعب عليها بعواطف كاذبة
يحقق بأحلامو نوايا حارقة
الشاعر د. علي مسلم عجمي
لبنان
تعليقات
إرسال تعليق