عصفورتي-بقلم/رضا أبو الغيط
عصفورتي
طارت ع الشجر
جنب الغراب
وبقيت وحيد
محبوس ف دايرة
الاغتراب
والإكتاب.....
صاب ضحكتي
والتوهة غمت خطوتي
والحلم صار يشبه سراب
ولأني لسة بحبها
وبنيت بصبري عشها
بقولها .. خفي العذاب
قلبي اللي شال عنك هموم
مغموم وسالت دمعته
ودموع عيوني اللي ارتوت
منها الجبال
لما بتلمح دمعتك
مش قادرة توصف قسوتك
ولا قادرة تشرح م الألم
ظني اللي خاب
خفي العذاب
وبلاش تحاولي تجربي
وجع القلوب
وتبدلي توب السعادة بالندم
لحظة غروب
نور البصيرة ف الضباب
******************
تعليقات
إرسال تعليق